विरेन्द्र सामुदायिक वनके सातौं वार्षिक साधारणसभा

जीवन चौधरी
पहलमानपुर, २९ असार । कैलालीके घोडाघोडी नगरपालिका–१० पहलमानपुरमे रहल विरेन्द्र सामुदायिक वन उपभोक्ता समुहके सातौं वार्षिक साधारणसभा तथा सार्वजनिक सुुनुवाई कार्यक्रम शनिच्चरके रोज निम्जल बा ।
उ सामुदायिक वनके अध्यक्ष सुरेश बहादुर कठायतके घरगोस्यामे हुइल कार्यक्रममे वरका पहुना सामुदायिक वन समन्वय समिति पहलमानपुरके अध्यक्ष पुस्कल बम रहल रहिट । संघीय सरकार ओ स्थानीय सरकार वन ऐन बाझल ओरसे सामुदायिक वन अब्बे दोधारमे रहल बटैलै ।
विशिष्ट पहुना घोडाघोडी–१० वडा अध्यक्ष विजय स्वाँर सामुदायिक वनमे आय स्रोत ढेर रहल ओरसे स्थानीय तहके भौतिक पूर्वाधार विकासमे सहयोग पुगाई पर्ना बटैलै ।
कार्यक्रममे बुलबुले रानी सामुदायिक वनके सामुदायिक वनके अध्यक्ष खडक बुढा सामुदायिक वनके बारे कोई टिका टिपप्नी करेबेर प्रष्ट हुके बोल्ना आग्रह करलै ।
कान्तिराज्य लक्ष्मी माविके प्रअ उमाकान्त मिश्र विगतके कमी कम्जोरीके सच्यइटी अपन कर्तव्यबारे बुझछी आघे बह्रना आग्रह करलै । जन जागृति सामुदायिक वनके अध्यक्ष आशाराम चौधरी, राधाकृष्ण सामुदायिक वनके अध्यक्ष भीम खडका लगायत मन्तव्य राखल रहिट । कार्यक्रममे स्वागत मन्तव्य रत्नादेवी जोशी ओ संचालन तथा आय व्यय विवरण प्रस्तुत लेखा समिति संयोजक नरबहादुर देउवा करल रहिट ।
