पत्रकारहुकन रचनात्मक लेखन प्रशिक्षण तालिम

पहुरा समाचारदाता
धनगढी, ३१ असार । कैलाली, कञ्चनपुरके पत्रकारहुकनहे एक दिने ‘रचनात्मक लेखन प्रशिक्षण तालिम डेगिल बा ।

यूएसएआइडी बायोडायभरसिटीके सहयोगमे दाय नेपालसे संचालित ‘जल, जंगल’ कार्यक्रम अन्र्तगत मित्र समाज कठमाण्डौं ओ स्थानीय सहयोगी संस्था ‘जागृति फाउण्डेशनसे कैलाली, कञ्चनपुरके पत्रकारहुकनहे एक दिने ‘रचनात्मक लेखन प्रशिक्षण तालिम डेगिल हो ।

तालिमके संचालन विवेकसिंह ठकुरी ओ प्रशिक्षण तथा सहजीकरण पत्रकारद्वाय पितम्बार सिग्देल, सुवोध गौतम करल रहिट । तालिममे जल, जंगल, विपद सम्बन्धी प्रशिक्षण तथा अनुभव साटासाट कैगिल रहे ।

उ तालिममे मित्र समाज कठमाण्डौंके कार्यक्रम संयोजक रोशन श्रेष्ठ, स्थानीय सहयोगी संस्था ‘जागृति फाउण्डेशनसे कैलाली पुष्पराज उपाध्यायलगायत कैलाली ओ कञ्चनपुरके २० जाने संचारकर्मीनहे सहभागिता रहे ।