कैलारीमे गुरही टिहुवारके सार्वजनिक विदा

पहुरा समाचारदाता
हसुलिया, २४ सावन । कैलारी गाउँपालिकासे गुरही टिहुवारके लाग सावन २५ गते स्थानीय विदा डेना निर्णय करले बा ।

गाउँपालिका उपाध्यक्ष भगवतीकुमारी चौधरीसे हस्ताक्षरित सार्वजनिक सूचना मार्फत २०८१ सालके गुरही टिहुवारके लाग सावन २५ गते स्थानीय विदा डेना निर्णय करल हो ।

यी दिन गाउँपालिकाभिटर सक्कु सरकारी तथा गैरसरकारी कार्यालय, शिक्षण संस्था, बैंक तथा वित्तीय संस्थामे विदा रना कहल बा । नेपालीहुक्रे नागपञ्चमीके रुपमे मनाइबेर थारु समुदाय यि दिनहे गुरही टिहुवारके रुपमे मनैना करल बा ।