चैतन्यमे पूर्व विद्यार्थी मिलन तथा शुभकामना आदानप्रदान
पहुरा समाचारदाता
धनगढी, १४ कार्तिक । धनगढीमे रहल चैतन्य पाठशालासे पूर्व विद्यार्थी मिलन तथा डेवारी छठ पर्वके शुभकामना अदान प्रदान कार्यक्रम कैगिल बा ।
शिक्षा ओ संस्कारके संगम प्रकृति ओ संस्कृतिके सम्मानके लाग चैतन्य पाठशालासे पुर्व विद्यार्थी मिलन कार्यक्रम कैगिल हो । विगतमे साइनिङ स्टार, स्टोन ब्रिज हुइटी हाल चैतन्य पाठशाला हुइटसम उहे विद्यालयसे पास हुइल सक्कु विद्यार्थीके मिलन कार्यक्रम पाठशालामे हुइल बा ।
टरटिहुवारके बेला धनगढी लग्गे आइल पुर्व विद्यार्थी उपस्थित हुइल रहिट । कार्यक्रममे बोल्टी पाठशालाके प्रधानाध्यापक कटक बहादुर सिंह विद्यालय समय जीवनके स्वर्णिम पल हुइना ओ उ समय अविस्मरणीय हुइना कारण पुनर्ताजगी कैना उद्देश्यसे विद्यालयसे उ कार्यक्रमके आयोजना करल पाठशालाके प्रधानाध्यापक कटक बहादुर सिँह बटैलै ।
कार्यक्रममे बोल्टी पुर्व विद्यार्थी आयुषा रावल अपने स्टोन ब्रिजमे पढल हुइलेसेफे यैसिन सुन्दर कार्यक्रमके आयोजना करलमे विद्यालयहे कृतज्ञता ज्ञापन करल रही । ओस्टे पुर्व विद्यार्थी सौगात भट्ट अपने करल संघर्ष ओ सफलताके कथा उपस्थित कक्षा ८ ओ १० कक्षाके विद्यार्थीहुकनहे सुनैले रहिट ।
कार्यक्रममे धन्यवाद डेटी सामाजिक शिक्षक सन्तोष तिमिल्सिना पुर्व विद्यार्थीनहे विद्यालयसे यी संयोग जुरैना कहल अपनेनमे समाजप्रतिके दायित्व बढ्न हो उहाँ कहलै । कार्यक्रम पाठशालाके प्रधानाध्यापक कटक ब. सिँह, पिटीए अध्यक्ष ईश्वर गिरी शिक्षक,शिक्षिका, पुर्व विद्यार्थी, कक्षा ८ ओ १० कक्षाके विद्यार्थीनके सहभागिता रहे ।
