पाँचौं भजहर कपके उपाधिके लाग गौरीगंगा ओ आयोजक भिरना
पहुरा समाचारदाता
धनगढी, २४ वैशाख । कैलालीके कैलारी गाउँपालिका वडा नम्बर–८ लोहरपुरमे हुइटी रहल निसर्ग हस्पिटल पाँचौं भजहर कप फुटबल प्रतियोगिताके उपाधिके लाग गौरीगंगा–११ स्पोर्टस क्लब ओ आयोजक श्री जनहित क्लब बी प्रतिस्पर्धा कैना ह्ुइल बा ।
थारु सम्ुदायके पर्व भजहरके अवसरमे हरेक वर्ष हुइटी आइल निसर्ग हस्पिटल पाचौं भजहर कपके सेमीफाईनलमे जित हात परटी दुनु टोली उपाधिके लाग भिरना हुइल हो ।
समुह ए बाट सेमिफाईनलमे पुगल गौरीगंगा–११ स्पोर्टस क्लब समुह ए से सेमीफाईनल पुगल भजनी नगरपालिका वडा नम्बर ५ स्तरीय क्लबउप्पर सानदार जित दर्ता करटी उपाधि लग्गे पुगल हो । गौरीगंगा पहिल सेमीफाईनलमे भजनीहे ४–१ गेल अन्तरसे हराइल हो । समुह बी से अन्तिम चारमे स्थान बनाइल आयोजक श्री जनहित क्लब बी समुह बी से सेमीफाईनल पुगल न्यू सुभित फेन्सी एण्ड श्रृंगार पसल उदासीपुरहे हरैटी उपाधिके लाग भिरना हुइल हो । आयोजक बी न्यू सोभित फेन्सी पसलहे टाईब्रेकरमे ३–० से हराइल हो । निर्धारित समयमे दुनु टोली १–१ के बराबरी खेलल रहिट ।
प्रतियोगिताके विजेतासे नगद एक लाख तथा उपविजेता नगद ५० हजार सहित ट्रफी प्राप्त करी । प्रत्येक खेलके म्यान अफ द म्याच नगद एक हजार पैही, टमान विधाके उत्कृष्ट खेलाडीहेफे पुरस्कार वितरण कैना आयोजक श्री जनहित युवा क्लबके अध्यक्ष मणिराम चौधरी जानकारी डेलै ।
थारु समुदायके पर्व भजहरहे नयाँ पुस्तामे हस्तान्तरण करटी आघे बह्राइक लाग हुुइल प्रतियोगितामे फुटबल प्रतियोगिताके साथे पौराणिक खेलकेफे आयोजना करल बा । ओकर साथे थारु कला संस्कृतिफे प्रस्तुत करटी रहल आयोजक जनैले बा ।
