लागुऔषध सहित पाँच जाने पक्राउ
पहुरा समाचारदाता
धनगढी, २२ असार । कैलाली दार्चुलासे अवैध लागु औषधसहित पाँच जाने पक्राउ परल बटै ।
कैलालीके जानकी गा.पा.४ मनुवासे अवैध लागुऔषध खैरो हेरोइन ६३० मिलिग्राम सहित ३ जनहनहे अँटवार दिनके प्रहरीसे पक्राउ करले बा ।
पक्राउ परुइयामे उहे ठाउँ बैठना बर्ष ४१ के रमेश कुमार रावत कठरिया, टिकापुर न.पा.४ बैठना बर्ष २४ के सोनु राजवंशी ओ जोशीपुर गा.पा.१ बैठना १८ बर्षिय किशोरी रहल बटै । इलाका प्रहरी कार्यालय टिकापुर, कैलालीसे खटल प्रहरीसे रमेश कुमार रावत कठरियाके घर–कोठामे लागुऔषध सेवन करटी रहल अवस्थामे खानतलासी करेबेर उ पदार्थ फेला पारके उ पदार्थ सहित तिनु जनहनहे पक्राउ करल हो ।
ओस्टे कैलाली धनगढी उ.म.न.पा.२ त्रिनगर ब्यारेलसे अवैध लागुऔषध गाजाँ ३ ग्राम २० मिलिग्राम सहित उहे उ.म.न.पा.३ बैठना बर्ष २४ के महेश चौधरीहे अँटवार रात प्रहरी पक्राउ करले बा । प्रहरी चौकी त्रिनगर, कैलालीसे खटल प्रहरीसे शंका लागके चेकजाँच करेबेर उ पदार्थ सहिहत पक्राउ करल हो ।
ओस्टेक करके दार्चुला महाकाली न.पा.४ पुलघाटसे अवैध लागुऔषध चरेश ८ ग्रामसहित नौगाड गा.पा. ४ घर हुके हाल महाकाली न.पा.४ मोहती बैठना बर्ष २० के सुरज ठगुन्नाहे अँटवार दुपहर प्रहरी पक्राउ करले बा । अस्थायी प्रहरी पोष्ट पुलघाट, दार्चुलासे खटल प्रहरी भारतसे नेपाल ओर अइटी करल अवस्थामे शंका लागके चेकजाँच करेबेर उ पदार्थ फेला पारके उहाँहे पक्राउ करल हो । यी सम्बन्धमे प्रहरी आवश्यक अनुसन्धान करटी रहल बा ।
