१ लाख ५१ के सामान नियन्त्रण

पहुरा समाचारदाता
धनगढी, २५ असार । कैलाली ओ कञ्चनपुरके अलग अलग ठाउँसे १ लाख ५१ हजार ६५० रुप्या बराबरके अवैध भन्सार छलिके सामान नियन्त्रणमे लेहल बा ।

कैलाली जिल्लाके टमान ठाउँ धनगढी उ.म.न.पा.३ ट्राफिक चौराह, भजनी न.पा.५ ठेकीपुल ओ हलौनाघाटसे अबैंध रुपमे भारतसे भन्सार छलि करके ल्यानल रु.१ लाख १८ हजार ६५० बराबरके बिडी, सुर्ति, पेय पदार्थ, ल्वाङ, सुकमेल, कुर्ति, सुटपिस, सिद्रा मच्छी, प्लाष्टिक झिल्ली लगायतके सामान नियन्त्रणमे लेहल हो ।

वुधके रोज जिल्ला प्रहरी कार्यालय कैलाली मातहत कार्यालयसे खटल प्रहरी बेवारिसे अबस्थामे फेला पारके आवश्यक प्रक्रिया पुरा करके नियन्त्रणमे लेहल हो ।

ओस्टेक करके कञ्चनपुर बेलौरी न.पा.६ भुराकोटसे अबैंध रुपमे भारतसे भन्सार छलि करके ल्यानल अन्दाजी मूल्य रु.३३ हजार बराबरके चिनी, प्लाष्टिक झिल्ली लगायतके सामान वुधके रोज इलाका प्रहरी कार्यालय बेलौरी, कञ्चनपुरसे खटल प्रहरी बेवारिसे अबस्थामे फेला पारके आवश्यक प्रक्रिया पुरा करके नियन्त्रणमे लेहल हो ।