लागुऔषध सहित तीन जाने नियन्त्रण
पहुरा समाचारदाता
कञ्चनपुर, २५ असार । कञ्चनपुरके भीमदत्त न.पा.१८ भगतपुरसे अवैध लागुऔषध खैरो हेरोइन २ ग्राम ४० मिलिग्राम सहित २ जनहनहे वुधके रात प्रहरी पक्राउ करले बा ।
पक्राउ परुइयामे उहे ठाउँ बैठना बर्ष २२ के कमल दमाई ओ बर्ष २२ के शाहिल दमाई रहल बटै । वडा प्रहरी कार्यालय महेन्द्रनगर, कञ्चनपुरसे खटल प्रहरीसे कमल दमाईके घर कोठा भिटर लागुऔषध सेवन करटी रहल अवस्थामे फेला पारके ओइने दुनहुनमे उ पदार्थ सहित पक्राउ करल हो ।
ओस्टेक करके कञ्चनपुर भीमदत्त न.पा.४ बजारसे नियन्त्रित लागुऔषध डाइजापाम एम्पुल थान–२, ब्रोफिन नाफडा एम्पुल थान–८, फेनारगन एम्पुल थान–८ ओ सिरिन्ज थान–३ सहित बेदकोट न.पा.१ पिपलथला घर हुके हाल भीमदत्त न.पा.४ बजार स्थित कोठा करके बैठना बर्ष २२ के गोबिन्द बहादुर साँउदहे वुधके साँझ प्रहरी पक्राउ करले बा ।
गोप्य सूचनाके आधारमे वडा प्रहरी कार्यालय महेन्द्रनगर, कञ्चनपुरसे खटल प्रहरीसे हुकान कोठा खानतलासी करेबेर उ नियन्त्रित लागूऔषध फेला पारके पक्राउ करल हो । यी सम्बन्धमे प्रहरीसे आवश्यक अनुसन्धान करटी हल बा ।
