नेपाल परिवार नियोजन संघके अध्यक्षमे जनकराज जोशी

पहुरा समाचारदाता
धनगढी, २८ असार । नेपाल परिवार नियोजन संघ, कैलाली शाखाके ३३औँ अधिवेशनसे जनकराज जोशी अध्यक्षमे निर्वाचित हुइल बटै । नवनिर्वाचित कार्यसमितिके कार्यकाल तीन वर्षके हुइना बा ।

निर्वाचन परिणामअनुसार शाखाके कोषाध्यक्षमे चिरञ्जीवी पाठक निर्वाचित हुइल बटै । महिला सदस्यमे भगवती बडाल ओ भुवनेश्वरी मल्ल विजयी हुइल बटै ।

ओस्टेक करके, विशेषज्ञ सदस्यओ कुश्मा जोशी (अपाङ्गता), सुभाषचन्द्र उपाध्याय (कानुन), रञ्जना जोशी (अर्थ) तथा कालीप्रसाद पडाल (प्रजनन स्वास्थ्य) निर्वाचित हुइल बटै ।

किशोर–युवा सदस्यमे मोनिका वड ओ स्तुति आचार्य निर्वाचित हुके युवा सदस्यमे रोशनी चौधरी चयन हुइल बटै ।
नवनिर्वाचित कार्यसमितिसे अइना तीन वर्षसम परिवार नियोजन, प्रजनन स्वास्थ्य, यौन तथा प्रजनन अधिकार, किशोर–किशोरीमैत्री सेवा तथा समुदायमे स्वास्थ्य सचेतना अभिवृद्धिके कार्यक्रमहे प्रभावकारी रूपमे आघे बह्रैना अपेक्षा करल बा ।