धनगढीके विद्यालयमे वृक्षारोपण
पहुरा समाचारदाता
धनगढी, ३० असार । धनगढी उपमहानगरपालिकाभिटर रहल सामुदायिक विद्यालय क्षेत्रमे वृक्षारोपण करल कैगिल बा ।
धनगढी उपमहानगरपालिका ९ भवानी माध्यमिक विद्यालय परिसरमे ५८ ठो बोट वृक्षारोपण कैगिल बा । हरियाली प्रवद्र्धन तथा वातावरण संरक्षण कैना उद्देश्यसे आयोजित उ कार्यक्रममे विद्यालय परिसरहे हराभरा ओ आकर्षक बनैना लक्ष्य राखल बा ।
साथे, यी अभियानसे विद्यार्थीमे वातावरणप्रति जिम्मेवारी ओ सचेतना अभिवृद्धि कैना अपेक्षा करल बा । धनगढी उपमहानगरपालिकासे वातावरणीय सन्तुलन कायम रख्न यैसिन कार्यक्रमहे निरन्तरता डेना प्रतिबद्धता व्यक्त करल बा ।
ओस्टेक करके धनगढी उपमहानगरपालिकासे धनगढी– १३ श्रीलंका स्थित नवज्योति आधारभूत विद्यालयमे १४९ ठो बोट बिरुवा लगैले बा ।‘हरियाली धनगढी’ कार्यक्रमअन्तर्गत उपमहानगरपालिकासे सडक किनार, सार्वजनिक क्षेत्र, विद्यालय परिसर तथा टमान खाली स्थानमे निरन्तर वृक्षारोपण करटी आइल बा ।
पर्यावरण संरक्षणसंगे शीतलता अभिवृद्धि ओ विद्यालयके सौन्दर्यकरण कैना उद्देश्यसे उ अभियान सञ्चालन हुइटी रहल बा ।
