सरकारके एकद्वार विज्ञापन नीति सर्वोच्चसे खारेज

पहुरा समाचारदाता
काठमाडौं, ३० असार । सरकारी विज्ञापन प्रकाशनके लाग सरकारसे लागू करल एकद्वारा प्रणालीके निर्णय सर्वोच्च अदालतसे खारेज करले बा । मंगर सर्वोच्च अदालतके न्यायाधीशद्वय शारङ्गा सुवेदी ओ नृपध्वज निरौलाके इजलाससे उ निर्णय खारेजके आदेश करल हो ।

वर्तमान सरकारसे सरकारी विज्ञापन सरकारी सञ्चारमाध्यमसे केल्ह प्रकाशित एवं प्रशारित कैना निर्णय करल रहे । प्रधानमन्त्री तथा मन्त्रिपरिषद कार्यालयसे जारी परिपत्र सार्वजनिक ओ नीजि सञ्चारमाध्यमके हित प्रतिकूल हुइल कहटी नेपाल मिडिया सोसाइटी सर्वोच्च अदालत गैल रहे ।

सर्वोच्च अदालतसे प्रधानमन्त्री कार्यालयसे जारी परिपत्र बदर हुइना निर्णय करल हो । निर्णयके थप विवरण सार्वजनिक हुसेकल नैहो ।