लागुऔषध सहित सात जाने पक्राउ
पहुरा समाचारदाता
धनगढी, ३२ असार । कैलाली जिल्लाके अलग अलग ठाउँसे सात जाने अवैध लागु औषधसहित पक्राउ परल बटै ।
कैलाली टीकापुर नगरपालिका–९ खक्रौलासे अवैध लागुऔषध खैरो हेरोइन १ ग्राम ११० मिलिग्राम सहित उहे न.पा.३ कटानपुर बैठना बर्ष २६ उमेश चौधरीहे बुधके बिहान प्रहरी पक्राउ करले बा । प्रहरी चौकी कालाकुण्डासे खटल प्रहरीसे उहाँहे उ पदार्थ सहित पक्राउ करल हो ।
ओस्टेक करके, जिल्ला कैलाली धनगढी उ.म.न.पा.३ माछा मार्ग टोलसे अवैध लागुऔषध खैरो हेरोइन जैसिन विल्गैना पदार्थ ३३५ मिलिग्राम सहित उहे ठाउँ बैठना बर्ष २८ के सुरज चौधरी समेत ५ जनहनहे वुधके साँझ प्रहरी पक्राउ करले बा । प्रहरी चौकी त्रिनगर, कैलालीसे खटल प्रहरीसे लागुऔषध सेवन करटी रहल अवस्थामे फेला पारके चेकजाँच करेबेर उ पदार्थ सहित पक्राउ करल हो ।
ओस्टेक करके, जिल्ला कैलाली धनगढी उ.म.न.पा. १० घुईया घाटसे अवैध लागुऔषध खैरो हेरोइन जैसिन विल्गैना पदार्थ १६६ मिलिग्राम सहित उहे ठाउँ बैठना बर्ष ३५ के राजेश रानाहे वुधके रात प्रहरी पक्राउ करले बा ।
जिल्ला प्रहरी कार्यालय कैलालीसे खटल प्रहरी शंका लागके चेकजाँच करेबेर उ पदार्थ सहित पक्राउ करल हो । यी सम्बन्धमे प्रहरी आवश्यक अनुसन्धान करटी रहल बा ।
