धनगढी उपमहानगरपालिकासे ऐश्वर्य विद्या निकेतन परिसरमे वृक्षारोपण

पहुरा समाचारदाता
धनगढी, २ सावन । धनगढी उपमहानगरपालिकासे सञ्चालन हुइटी रहल विद्यालय वृक्षारोपण कार्यक्रम अन्तर्गत वडा नं. ५ स्थित ऐश्वर्य विद्या निकेतन विद्यालयके प्राङ्गणमे २४ ठो बोटबिरुवा टिगार्ड सहित लगाइल बा ।

कार्यक्रम अन्तर्गत विद्यालय क्षेत्रहे हरियाली, स्वच्छ , शितलता ओ वातावरणमैत्री बनैना उद्देश्य राखल बा । वृक्षारोपणसंगे बिरुवाके संरक्षणके लाग टिगार्ड प्रयोग करल उपमहानगरपालिकासे जनैले बा ।

यी अभियानसे विद्यार्थीमे वातावरण संरक्षणप्रति सचेतना अभिवृद्धि कैना अपेक्षा समेत करल बा ।