२६औं मुक्तकमैया दिवस मनागिल
पहुरा समाचारदाता
धनगढी २ सावन । मुक्त कमैयाहुँक्रे शनिच्चरके रोज २६औं मुक्ती दिवस मनैले बटै । मुक्तकमैया समाज कैलालीके आयोजनामे धनगढी उपमहानगरपालिका नगर अध्यक्ष राम प्रसाद चौधरीके अध्यक्षतामे हुइल कार्यक्रम निवर्तमान भुमि व्यवस्था तथा कृषि सहकारी मन्त्री विरबहादुर थापा प्रमुख अतिथि रहल रहिट ।
कार्यक्रममे उहाँ मुक्तकमैयाहुँकनहे पुनस्र्थापना कैना अन्तिम विकल्प जहाँ बैठल बटै, उहे ठाउँके लालपुर्जा डेहे पर्ना बटैलै । मुक्तकमैया, कमलरीहुँक्रनहे पुनस्र्थापना करेक लाग प्रदेश सरकार प्रयास करल बटैलै ।
मुक्तकमैया समाजके केन्द्रीय अध्यक्ष पशुपति चौधरी मुक्तकमैयाहुकनहे पुनस्र्थापना कैनामे वेवास्ता करल बटैलै । लालपुर्जा नैपैलक मुक्तकमैयाहुँक्र दोजर आतन्तकमे परल बटैलै । ंमुक्तकमैया रलक जिल्लामे अभिन २ हजार ३ सय ७५ जाने अभिन पुनस्र्थापनाके असरामे बैठल बटै । मुक्त कमैया समाजके तथ्याङक अनुसार कञ्चनपुरसे दाड जिल्लामे ओटरा मुक्त कमैया अभिन पुनस्र्थापनाके असरामे बैठल हुइट ।
२०५७ साल सावन २ गते कमैया मुक्ती घोषणा करल रहे । जौन अब्बे २५ बरस विटल मने सुदूरपश्चिम प्रदेश अभिनसम अभिनसम १ हजार ८२ जाने मुक्तकमैयाहँुक्र परिचय पाक पुनस्र्थापनासे बञ्चित रहल मुक्तकमैया समाज जनैलै । समाजके केन्द्रीय अध्यक्ष पशुपति चौधरीके अनुसार कैलाली जिल्लामे ९ हजार ७६२ मु्क्तकमैया रहलमे ८ हजार ९७५ जनहनहे परिचयपत्र देहलमे मने जग्गा पाइल मुक्तकमैयाभर ८ हजार २२ जाने केल्ह रहल बाट ।
वसहेक कञ्चनपुरमे ४ हजार ५०६ जाने मुक्तकमैया रहलमे ४ हजार ४१८ जनहनहे परिचयपत्र डेहल बा, ओम्नसे जग्गा पाइल मुक्तकमैया ४ हजार २८९ केल रहल बाटै । चार सय मुक्तकमैयाहे आकाशे कित्ता, १७३ जनहनके मुक्तकमैयाके तथ्याङकसे हटाइल बा । कलेसे कैलालीमे ९५३ ओ कञ्चनपुरमे १२९ जाने, दाङमे ४८ जाने पुनस्र्थापना बाँकी बाटै । बर्दियामे सबसे ढेर १२ सय ४५ जाने मुक्तकमैया पुनस्र्थापनासे वञ्चित केन्द्रीय अध्यक्ष बटैलै ।
कमैया प्रथा उन्मुलन समाजके अध्यक्ष सीताराम चौधरी अपन कमैया मुक्ती तथा पुनस्र्थापनाके लाग नम्मा समयसम आन्दोलन करल मने अपने न जग्गा, परिचयपत्र पाइल बटैलै ।
कार्यक्रममे बार एशोसियसन कैलालीके अध्यक्ष नाथुराम महतों, राष्ट्रिय मानव अधिकार आयोगके प्रकास दत्त भट्ट, मmुकमैया समाजके प्रदेश अध्यक्ष, चन्द्र चौधरी, इन्सेकके प्रतिनिधि मैनामोती, गैसस महासंघ कैलालीके सचिव नरेश ओझा, याक नेपालके पवित्रा भट्ट, वाल संरक्षण समाजके अध्यक्ष हिरामोती चौधरीलगायत मन्तव्य राखल रहिट । कार्यक्रमके संचालन बुद्धिराम चौधरी करल रहिट ।
मुक्तकमैया दिवस कैलाली जिल्लाके दुई पालिका बाहेक ११ पालिका ओ कञ्चनपुरमफे कमैया मुक्ती दिवस मनागिल बा ।
