२६ औँ कमैया मुक्ति दिवसमे १३ जाने योगदानकर्ताहे सम्मान

पहुरा समाचारदाता
टिकापुर, २ सावन । २६ औँ कमैया मुक्ति दिवसके अवसरमे कैलालीके टिकापुर नगरपालिका–१ शक्तिनगरमे शिबनगर, चमेलीपुर ओ शक्तिनगरके संयुक्त आयोजनामे विविध कार्यक्रममे साथ दिवस भव्य रूपमे सम्पन्न करल बा ।

पञ्चराम चौधरीे के सभाध्यक्षतमे हुइल कार्यक्रमके प्रमुख अतिथि प्रतिनिधिसभा सदस्य माननीय कोमल ज्ञवाली रहल रहिट । विशिष्ट अतिथि सुदूरपश्चिम प्रदेश सरकारके पर्यटन, वन तथा वातावरणके पूर्व मन्त्री माननीय लक्ष्मण किशोर चौधरी तथा सामाजिक विकासके पूर्व मन्त्री माननीय कैलाश चौधरी सहभागी रहिट ।

ओस्टेक करके टिकापुर नगरपालिका वडा नं. १ के वडा अध्यक्ष मोहन बि.क. लोहार, वडा नं. ४ के वडा अध्यक्ष लालबिर चौधरी वडा नं. ६ के वडा अध्यक्ष बलिराम चौधरी, कार्यपालिका सदस्य दिपक निसानी, मुक्त कमैया समाजके केन्द्रीय सचिव बल्लु चौधरी, मुक्त कमैया युवा जागरण समाजके केन्द्रीय सह सचिव चन्द्र प्रकाश चौधरी, मुक्त कमैया पुर्नस्थापना समस्या समाधान आयोगके पूर्व सदस्य दिपु चौधरी, मुक्त कमैया समाजके पूर्व अध्यक्ष प्रेम चौधरी, जिल्ला उपाध्यक्ष सीता चौधरी, मुक्त कम्लहरी विकास मञ्च कैलालीके अध्यक्ष बिन्दा चौधरी, मुक्त कम्लहरी विकास मञ्चके केन्द्रीय सदस्य रम्भा चौधरी, पूर्व जिल्ला सदस्य सेम प्रसाद चौधरी, मुक्त कमैया नगर समितिके पूर्व अध्यक्ष कालवीर चौधरी, नेकपा (एमाले) नगर समिति अध्यक्ष, पत्रकार, नेपाल प्रहरी, टमान संघ–संस्थाके प्रतिनिधि तथा स्थानीय सरोकारवालाहुकनके उल्लेखनीय उपस्थिति रहल रहे । कार्यक्रमके प्रारम्भमे कमैया मुक्ति आन्दोलनसे मुक्त कमैयाके पुनःस्थापनासम महत्त्वपूर्ण योगदान पुगैटी जीवन बलिदान करल शहिदप्रति एक मिनेट मौनधारण गरी श्रद्धाञ्जली अर्पण करल रहे ।

२६ औँ कमैया मुक्ति दिवसको प्रतीकस्वरूप २६ ठो दीप प्रज्वलन तथा ब्यानर वाचन तथा उद्घाटन माननीय कोमल ज्ञवाली करल रहिट । कार्यक्रममे कालवीर चौधरी स्वागत मन्तव्य व्यक्त करल रहिट । कलेसे कार्यक्रमके सञ्चालन बन्धु प्रसाद चौधरी करल रहिट । वक्ताहुक्रे २०५७ साल सावन २ गतेके कमैया मुक्तिके घोषणाहे नेपालके सामाजिक न्याय ओ मानव अधिकारके ऐतिहासिक उपलब्धि हुइल उल्लेख करटी मुक्त कमैया समुदायके पूर्ण पुनःस्थापना, भूमि अधिकार, शिक्षा, रोजगारी, आवास ओ सम्मानजनक जीवन सुनिश्चित कैना राज्यसे थप प्रभावकारी कदम चालेपर्नामे जोड डेहल रहे ।

यी अवसरमे कमैया मुक्ति आन्दोलन, पुनःस्थापना तथा समुदायके विकासमे उल्लेखनीय योगदान पुगुइया १३ जाने योगदानकर्ताहे सम्मानपत्रसहित सम्मान करल रहे । सम्मानित व्यक्तित्वहुकनके योगदानके उच्च मूल्याङ्कन करटी आयोजकसे ओइनके समर्पण भावी पुस्ताके लाग प्रेरणादायी रहल जनैले बा ।

कार्यक्रममे समुदायके अग्रज, युवा, महिला, जनप्रतिनिधि तथा टमान राजनीतिक दल, सञ्चारकर्मी ओ सरोकारवालाके उत्साहजनक सहभागिताबीच सम्पन्न हुइल रहे ।