धनगढीमे नमुना प्राविधिक विद्यालयमे वृक्षारोपण सम्पन्न

पहुरा समाचारदाता
धनगढी, २ सावन । धनगढी उपमहानगरपालिका वडा नं. ८ मे रह धनगढी नमुना प्राविधिक विद्यालयके प्राङ्गणमे ७२ ठो बोटबिरुवा ट्रीगार्ड सहित वृक्षारोपण कार्यक्रम सम्पन्न करल बा ।

उपमहानगरपालिकाके पहलमे सञ्चालन करल उ कार्यक्रम अन्तर्गत विद्यालय क्षेत्रहे हरियाली, स्वच्छ तथा वातावरणमैत्री बनैना उद्देश्य राखल बा । लगाइल बिरुवाके संरक्षणके लाग ट्रीगार्डके व्यवस्था करल जनाइल बा ।

यी कार्यक्रमसे विद्यार्थी तथा स्थानीय समुदायमे वातावरण संरक्षणप्रति चेतना अभिवृद्धि कैनाके साथे विद्यालय परिसरके सौन्दर्य अभिवृद्धिमे टेवा पुग्न अपेक्षा करल बा ।