रसुवा बाढ ः मृत्यु हुइलके संख्या ९८७ पुगल, ३ हजार ९१६ अभिन सम्पर्कविहीन
काठमाडौं, १६ भदौ । रसुवाके भोटेकोशीमे आइल विनाशकारी बाढमे बेपत्ता हुइल मध्ये ९८७ जानेक शव फेला परल बा ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणके अनुसार मंगर बिहान ९ बजेसम उ संख्यामे शव फेला परल हुइट ।
प्राधिकरणके अनुसार रसुवामे २७, नुवाकोटमे ९५, धादिङमे ५५, गोरखामे ६५, तनहुँमे ३८, नवलपरासी पूर्वमे २१६, नवलपरसी पश्चिममे १७० ओ चितवनमे ३२१ जानेक शव फेला परल हो ।
प्राधिकरणके अनुसार अभिन ३ हजार ९१६ जाने सम्पर्कविहीन बटै कलेसे २७९ जाने घाहिल बटै । हालसम ११ हजार ८१४ जानेक उद्धार करल बा ।
बेत्रावतीके एक्के घरसे निकागिल २४ शव
नुवाकोटके विदुर नगरपालिका–१० मे पर्ना बेत्रावतीस्थित एक्के घर भिटरसे २४ ठो शव निकारल बा ।
जिल्ला प्रहरी कार्यालय नुवाकोटके एसपी विपिन रेग्मीके अनुसार बेत्रावतीके उत्तरगया मिनी मार्ट रहल घरसे २४ ठो शव निकारल हो ।
‘हमार क्षमतास भ्याइटसम खोजके २४ शव निकरले बटी । और ठाउँमे अभिन खोज्न बाँकी बा,’ एसपी रेग्मी कहलै ।
निकारल शवके मुचुल्का करके पहिचान कैना काम हुइटी रहल उहाँ बटैलै । अभिनसम शवे सनाखत हुई सेकल नैहो
मुचुल्काके काम सेकलपपाछे पोस्टमार्टमके लाग शव त्रिवि शिक्षण अस्पताल महाराजगञ्ज पठैना उहाँ बटैलै ।
१० भदौमे रसुवाके भोटेकोशी हुइटी त्रिशूली लडियामे आइल विनाशकारी बाढके कारण एक्के घरभिटर अटरा भारी संख्यामे मनै मृत फेला परल हुइट ।
