दुई लाख ७३ हजार बराबरके सामान नियन्त्रण

पहुरा समाचारदाता
धनगदी, १६ भदौ । कैलाली ओ कञ्चनपुर जिल्लाके टमान ठाउँसे दुई लाख ७३ हजार बराबरके सामान नियन्त्रण कैगिल बा ।

कैलाली जिल्लाके भारतसे अबैध रुपमे भन्सार छलि करके ल्यानल अन्दाजी मूल्य रु.२ लाख ३९ हजार बराबरके सुटपिस, कुर्ति, सुर्ति लगायतके सामानहे नियन्त्रणमे लेहल बा ।

सोम्मारके रोज जिल्ला प्रहरी कार्यालय कैलाली मातहत कार्यालयसे खटल प्रहरीसे बेवारिसे अवस्थामे फेला पारके आवश्यक प्रक्रिया पुरा करके नियन्त्रणमे लेहल बा ।

ओस्टेक करके, कञ्चनपुर जिल्लाके भिमदत्त न.पा. ५ तिनतारासे अवैध रुपमे भारतसे भन्सार छलि करके ल्यानल अन्दाजी मूल्य रु.३४ हजार ७ सय ३८ रुपया बराबरके मुकुट, माला, चोली, बासुरी लगायतके सामानहे नियन्त्रण करले बा ।

सोम्मारके रोज अस्थायी प्रहरी बिट सुकासाल, कञ्चनपुरसे खटल प्रहरीसे बेवारिसे अवस्थामे फेला पारके आवश्यक प्रक्रिया पुरा करके नियन्त्रणमे लेहल बा ।