सेती प्रादेशिकमे हुइल चेकजाँचमे २६ मे संक्रमण पुष्टि

पहुरा समाचारदाता
धनगढी, ९ अगहन । सेती प्रादेशिक अस्पतालके कोभिड प्रयोगशालामे करल परिक्षणमे २६ जनहनमे कोरोना भाइरस संक्रमण पुष्टि हुइल बा ।

पछिल्का २४ घण्टामे करल परिक्षणमे कैलालीके २३ ओ कञ्चनपुरके ३ जाने रहल सेती प्रादेशिक अस्पतालके सूचना अधिकारी दिलिपकुमार श्रेष्ठ बटैलै । जेम्ने एक महिला ओ २५ जाने पुरुष रहल बाटै ।

२०४ स्वाबके नमूना परिक्षण करल उहाँ जनैलै । ३० जाने संक्रमितके अस्थायी कोभिड अस्पतालमे उपचार करैटी रहल सूचना अधिकारी श्रेष्ठ जनैलै ।