ट्रकके ठक्करसे एकके मृत्यु

पहुरा समाचारदाता
धनगढी, १० अगहन । कैलालीके गौरीगंगा नगरपालिका चौमालामे ट्रकके ठक्करसे मोटरसाइकल चालकके मृत्यु हुइल बा ।

ना ३ ख ५९४२ नम्बरके ट्रकसे सुदूरपश्चिम प्रदेशके ०१०० प ९७६ के मोटरसाइकलहे ठक्कर डेहेबेर मोटरसाइकल चालक गोदावरी नगरपालिका ४ के २२ वर्षिय अर्जुन चौधरीके मृत्यु हुइल प्रहरी जनैले बा ।

दुर्घटनामे गम्भीर घाहिल चौधरीके धनगढीस्थित सेती प्रादेशिक अस्पतालमे उपचारके क्रममे मृत्यु हुइल सुदूरपश्चिम प्रदेश ट्राफिक प्रहरी कार्यालय कैलालीके प्रहरी निरीक्षक मोहन बहादुर साउद जानकारी डेलै ।

दुर्घटनामे मोटरसाइकलमे सवार गोदावरी नगरपालिका ४ के १९ वर्षीय प्रेम चौधरी घाहिल हुइल बाटै । उहाँक सेती अस्पतालमे उपचार हुइटी रहल प्रहरी जनैले बा ।