कन्ट्याक्ट ट्रेसिङ करके ६० जानेक स्वाब संकलन

पहुरा समाचारदाता
धनगढी, १५ अगहन । कैलालीके कैलारी गाउँपालिका–९ मे अँटवार कन्ट्याक्ट ट्रेसिङ करके ६० जानेक स्वाब परीक्षणके लाग संकलन करल बा ।

शनिच्चर ओ उ वडाके एक महिला ओ तीन पुरुष करके चार जनहनमे कोरोना संक्रमण पुष्टि हुइलपाछे ओइनके सम्पर्कमे आइल ६० जानेक स्वाब संकलन करल गाउँपालिकामे कार्यरत स्वास्थ्यकर्मी कुसुम चौधरी जानकारी डेलै ।

उहाँक अन्सार कुछ दिन आघे धनगढीसे लौटल उ वडाके एक व्यक्तिमे संक्रमण पुष्टि हुइल रहे । संक्रमित व्यक्ति धनगढीमे पेन्टिङको काम करटी आइल रहिट । उ व्यक्तिके सम्पर्कमे आइल १४ जानेक स्वाब परीक्षण करेबेर चार जनहनके रिपोर्ट पोजेटिभ आइल हो ।

शनिच्चर वडा नम्बर २ के एक पुरुषहेफे संक्रमण पुष्टि हुइल रहे । कैलारी गाउँपालिकामे हाल छ जाने संक्रिय संक्रमित रहल चौधरी जनैली ।