ग्रामीण कृषक बहुउद्देश्यीय सहकारीके १४ औं वार्षिक साधारणसभा
पहुरा समचारदाता
पहलमानपुर, २० अगहन । कैलालीके घोडाघोडी नगरपालिका वडा नम्बर १० मे रहल ग्रामीण कृषक बहुउद्देश्यीय सहकारी संस्था लिमिटेडके १४ औं वार्षिक साधारणसभा तथा सार्वजनिक सुनुवाइ कार्यक्रम शनिच्चरके रोज हुइल बा ।
घोडाघोडी नगरपालिकाके नगर उपप्रमुख प्रेमकुमारी थापाके वरका पहुनामे हुइल कार्यक्रममे विशिष्ट पहुना वडा नम्बर १० के अध्यक्ष भीम बहादुर बम रहल रहिट ।
कार्यक्रममे सहकारीके रेवती मल्ल शाह ५ करोड ५१ लाख ३३ हजार ३ सय ७० रुप्या बराबरके आयव्यय प्रस्तुत करले रहिट । ओ संस्थाके लेखा प्रतिवेदन चन्द्रबहादुर सिंह प्रस्तुत करल रहिट ।
सहकारीके अध्यक्ष खम्मबहादुर शाहके अध्यक्षतामे हुइल कार्यक्रममे मोहन्याल बचत तथा ऋण सहकारी संस्था लिमिटेडके अध्यक्ष बजिरसिंह बम लगायत शुभकामना मन्तव्य व्यक्त करले रहिट ।
कार्यक्रमके संचालन संस्थाके सचिव विष्णु कँडेल ओ स्वागत मन्तव्य शिक्षा समिति सदस्य यम पोखरेल करले रहिट । सहकारीमे १२ सय ४३ शेयर सदस्य बाटै ।
