मोटरसाईकलके ठक्करसे ३ घाहिल

पहुरा समाचारदाता
धनगढी, २४ अगहन । धनगढीमा मोटरसाईकलके ठक्करसे ३ जाने घाहिल हुइल बाटै ।

धनगढी उपमहानगरपालिका वडा नम्बर १४ फुलबारीसे धनगढी अइटी रहल सुपप्र ०२०३००९ प ८३४९ नम्बरके मोटरसाईकल ठक्कर डेके दुई जाने घाहिल हुइल बाटै ।

मंगरके साँझ साढे ६ बजेक समयमे ठक्कर डेहेबर पैदलयात्री धनगढी उपमहानगरालिका वडा नम्बर १४ के ४० वर्षीय खेमादेवी बोहरा, ७५ वर्षीया कलापती भट्ट घाहिल हुइल हुइट ।

ओस्टके मोटरसाइकमे सवार वडा नम्बर ७ बेली बैठुइया २५ वर्षीय भगीराम चौधरी फेन घाहिल हुइल प्रदेश ट्राफिक प्रहरी कार्यालय अत्तरिया जनैले बा ।

घाहिलहुक्रनके सेती प्रादेशिक अस्पतालमे उपचार हुइटी रहल बा । मोटरसाईकल ओ चालक वडा नम्बर ७ बेली बैठुइया १९ बर्षीय रविन चौधरीहे सिमा प्रहरीचौकी बहुलीया नियन्त्रणमे लेहल प्रहरी जनैले बा ।