सचेतनामूलक चित्रकला प्रतियोगिता
पहुरा समाचारदाता
धनगढी, २४ अगहन । सुरक्षित मातृत्व संजाल महासंघ नेपाल ओ रुडुक कैलालीके संयुक्त आयोजना तथा धनगढी उपमहानगरपालिकाके सहकार्यमे अभिमुखीकरण ओ सचेतनामूलक चित्रकला प्रतियोगिता सम्पन्न हुइल बा ।
‘लैंगिक हिँसा अन्त्यके प्रतिवद्धता : व्यक्ति समाज ओ सबके ऐक्यवद्धता’ कना मूल नाराके साथ लैगिंक हिँसा विरुद्धके १६ दिने अभियान अन्र्तगत लैगिंक समानता ओ सामाजिक समावेशीकरण सम्वन्धि अभिमुखीकरण तथा हिँसा अन्त्यके लाग सन्देशमूलक चित्रकला प्रतियोगिता जुगेडा स्थित सिद्धनाथ माविमे सम्पन्न हुइल हो ।
लैंगिक समानता तथा सामाजिक समावेशीकरणके सवालमा विद्यार्थीहुक्रनहे सचेतना अभिवृद्धि कैके लैंगिक हिँसाके अन्त्य ओ विभेद मुक्त समाजके निमार्णमे उहाँहुक्रनमे समानताके सन्देश प्रबाहमे टेवा पुगे कना उद्देश्यसे उक्त कार्यक्रम आयोजना करल हो ।
कार्यक्रमके बर्का पहुनी धनगढी उपमहानगरपालिकाके उपप्रमुख सुशिला मिश्र भट्ट महिला उपर हुइना सक्कु खाले विभेदके अन्त्य नाइ हुइटसम समुन्नत समाजके परिकल्पना करे नाइ सेक्ना बटैटी महिलामे न्याय, अधिकार ओ समानताके लाग अंश ओ बंशमे समान अधिकार हुइ पर्ना डेहल रही ।
अभिमुखीकरण कार्यक्रममे लैगिक समानता, समावेशीकरण, महिलाहुक्रनके शसक्तिकरण, सामाजिक न्याय लगायतके सवालमे सिद्धनाथ माविके प्रधानाध्यापक प्रेम बहादुर शाही ओ सुरक्षित मातृत्व संजाल महासंघके प्रदेश संयोजक राजेन्द्र रैका सहजीकरण करल रहिट ।
कार्यक्रममे चित्रकला प्रतियोगीतामे प्रथम छात्रा शितल पाण्डेय, दुसरा छात्र विक्रम सिह, टिसरा छात्रा सुस्मीता सुनार ओ सान्त्वना स्थान छात्रा समिक्षा तामाङ प्राप्त करल रही । उहाँहुक्रनहे नगर उपप्रमुख सुशिला मिश्र भट्ट, सिद्धनाथ माविके प्रधानाध्यापक प्रेम बहादुर शाही, रुडुकके अध्यक्ष ममता शाह, सदस्य धर्मराज जोशी ओ सदस्य गीता भण्डारी पुरस्कार वितरण करल रहिट । कार्यक्रम रुडुक अध्यक्ष ममता शाहके अध्यक्षतामे सम्पन्न हुइल रहे ।
