बसके ठक्करसे लउण्डीक मृत्यु

बझाङ, २६ अगहन । बझाङ जिल्लाके बित्थडचिर गाउँपालिका–९ सुनकुडामे बसके ठक्करसे एक लउण्डीक मृत्यु हुइल बा ।

चैनपुरसे महेन्द्रनगर जैैटी रहल ना ६ ख १७९५ नंके बससे ठक्कर डेहेबेर दुई वर्षीया लउण्डी दीपिका विष्टके मृत्यु हुइल प्रहरी जनैले बा ।

जिल्ला प्रहरी कार्यालय बझाङके प्रहरी नायब उपरीक्षक रुपक खड्काके अन्सार बसके ठक्करसे घाहिल हुइल लउण्डीक उपचारके लाग धनगढी लैजाईबेर डगरेम मृत्यु हुइल हो ।

चालक दीपक बोहोरा ओ बसहे स्याडी प्रहरी चौकीसे नियन्त्रणमे लेले बा । ठप अनुसन्धानके लाग जिल्ला प्रहरी कार्यालयसे टोली घटनास्थलओर पठाइल प्रहरी नायब उपरीक्षक खड्का जानकारी डेलै ।