कैलारी गाउँपालिकाहे एमवाइसीके उपाधि

पहुरा समाचारदाता
धनगढी, २७ अगहन । कैलारी गाउँपालिका एमवाइसी पहिल भेट्रान कप २०७७ के उपाधि हात परले बा ।

धनगढी उपमहानगरपालिका–१२, मनकामना युवा क्लबके आयोजनामे हुइल पहिल भेट्रान फुटबल प्रतियोगितामे आयोजक क्बल मनकामना युवा क्लबहे शुन्यके विरुद्ध २ गोल करटी उपाधि हात पारल हो ।

प्रतियोगिता जिटलसंगे कैलारी नगद ४० हजार सहित प्रमाणपत्र, ट्रफी हात पारल कैलारी स्मार्ट क्लबके सचिव लक्ष्मी दहित बटैलै । उपविजेता बनल आयोजक मनकामना नगद २० हजार सहित प्रमाणपत्र ओ ट्रफी हात परले बा ।

मंसिर २० गतेसे सुरु हुइल प्रतियोगिताहे निसर्ग अस्पताल धनगली मुख्य प्रायोजन करल रहे । प्रतियोगितामे १० टीम सहभागिता जनाइल रहे ।