नेपाल लोकतान्त्रिक पार्टीसे कैलालीमे उम्मेदवारके टुङगो

पहुरा समाचारदाता
धनगढी, १४ भदौ । यिहे अइना अगन ४ गते हुइना संघीय चुनावमे नेपाल लोकतान्त्रिक पार्टीसे कैलालीके लाग उम्मेदवारके टुङगो लगैले बा ।

उ पार्टीके जिल्ला माधव थारुके अनुसार संघके प्रत्यक्ष ओरके निर्वाचनके लाग क्षेत्र न. १ के लाग प्रेम चौधरी, क्षेत्र न. २ के लाग देशराज चौधरी, क्षेत्र न. ३ लवारी चौधरी, क्षेत्र न. ४ के तेज तारामीमगर ओ क्षेत्र न. ५ के लाग थरुहट नेता खडक चौधरीहे आघे सारल उ पार्टीके जिल्ला अध्यक्ष जनैलै ।

कैलाली क्षेत्र नम्बर १ मे नागरिक उन्मुक्ती पार्टीसे रन्जिता श्रेष्ठ चौधरीके उम्मेदवारी परल बा । यहाँ यिहीसे आघे रेशम चौधरी बाजी मरले रहिट । ओस्टेक नेपाली काँग्रेससे रामजनम चौधरी संघीय चुनावके लाग लरना कहले बटै ।