कैलारीसे विमारीहुकन निःशुल्क रगत उपलब्ध कैना घोषणा

पहुरा समाचारदाता
हसुलिया, १८ भदौ । कैलारी गाउँपालिकासे रगतके आवश्यकता परल गाउँपालिकाभिटरके जौनफे विमारीहे निःशुल्क रगत उपलब्ध कैना जनैले बा ।

गाउँपालिका ओ रक्त संचार केन्द्र धनगढी विच हुइल सम्झौता अनुसार रगतके आवश्यकता परल विमारीहुकनहे निःशुल्क रगत उपलब्ध करैना गाउँपालिकाके अध्यक्ष राजसमझ चौधरी बटैलै । उहाँ कहलै, कैलारी थारु बाहुल्य बसोबास रहल गाउँपालिका हो । यहाँ सिकलसेल एनिमियाके विमारी ढेर बटै । जिहीसे ओइनके रगतके आवश्यकता बरम्बार पर्ना ओरसे गाउँपालिका निःशुल्क रगत उपलब्ध करैना निर्णय करल हो ।’

कैलारी गाउँपालिकाभिटरके विमारी धनगढीमे उपचार कराईबेर आवश्यकता परलेसे अपने उ पालिकाके स्थानीयबासी रहल कौनोफे परिचयपत्र खुल्न कागजात डेखैलेसे रक्त संचारकेन्द्र धनगढीसे निःशुल्क रगत पाइसेक्ना गाउँपालिका अध्यक्ष राजसमझ चौधरी बटैलै ।