समाचार–फिचर लेखनसम्बन्धी ४ दिने प्रशिक्षण निम्जल

पहुरा समाचारदाता
धनगढी, २० भदौ । नेपाल पत्रकार महासंघ केन्द्रके आयोजना ओ जिल्लाके संयोजनमे समाचार–फिचर लेखनसम्बन्धी ४ दिने प्रशिक्षण निम्जल बा ।

इन्टरनेशनल एर्लटके आर्थिक सहयोग, यूरोपियन यूनियनके प्राविधिक सहयोगमे तालिम हुइल हो । टमान संचारमाध्यममे कार्यरत पत्रकारहुकनके लेखनमे थप निखारटा आए कना उद्देश्यसे तालिम हुइल रहे ।

कार्यक्रममे नेपाल पत्रकार महासंघके केन्द्रीय सचिव हेमकर्ण विक, महासंघके केन्द्रीय सदस्य भरत शाह, महासंघके प्रदेश सचिव हरि जोशी, महासंघ केन्द्रके कार्यक्रम व्यवस्थापक रामप्रसाद दहाल, सहभागीहुक्रे रमेश ऐडी, सरस्वती साफरी, निर्मला बोहरा, लोक कार्कीलगायत मन्तव्य व्यक्त करले रहैं । टमान संचारमाध्यममे कार्यरत धनगढीके अत्तरिया करके २५ जानेक सहभागितामे हुइटी तालिममे अग्रज पत्रकार मनमोहन स्वाँर प्रशिक्षण डेले रहैं ।

कार्यक्रम नेपाल पत्रकार महासंघ कैलालीके अध्यक्ष हिमालय जोशीके अध्यक्षतामे हुइल रहे । कार्यक्रमके सञ्चालन महासंघ कोषाध्यक्ष लक्ष्मी जैशी करले रहैं ।