विपद जोखिम व्यवस्थापन स्थानीयकरण निर्देशिक सम्बन्धी तालिम

पहुरा समाचारदाता
हसुलिया, २२ भदौ । कैलालीके कैलारी गाउँपालिकामे विपद जोखिम व्यवस्थापन स्थानीयकरण निर्देशिक सम्बन्धी स्थानीय सरकारके क्षमता अभिवृद्धिके लाग दुई दिवसिय तालिम संचालन कैगिल बा ।

भुकम्प प्रविधि राष्ट्रिय समाज नेपाल (एनसेट)के आयोजना तथा अमेरिकी अन्तर्राष्ट्रिय विकास नियोग (यूएसएड)के आर्थिक सहयोगमे दुई तालिम हुइल बा । मंगरके रोजसे हुइल तालिमके उदघाटन गाउँपालिका अध्यक्ष राजसमझ चौधरी करले रहिट । दुई दिनसम चलल तालिममे प्रशिक्षण एनसेटके सन्तोष खडका डेहल रहिट । तालिममे विपद व्यवस्थापन समितिके संयोजक ठागुराम चौधरी, सक्कुके वडाके अध्यक्ष, प्रमुख प्रशासकीय अधिकृत विरबहादुर ऐर, कार्यपालिका सदस्य, टमान शाखा प्रमुख, कर्मचारीहुकनके सहभागिता रहे ।

गाउँपालिका उपाध्यक्ष भगवतीकुमारी चौधरीके अध्यक्षतामे हुइल तालिम समापन कार्यक्रमके सहजीकरण सामाजिक विकास अधिकृत यगम कलेलसे कैगिल योजना शाखा प्रमुख सन्तोषकुमार चौधरी बटैलै ।
यिहीसे आघे भुकम्प प्रविधि राष्ट्रिय समाज नेपाल (एनसेट)से कैलारी गाउँपालिका वडा–३ मोहनपुरमे विपद जोखिम न्यूनिकरण कार्यमे प्राविधिक सहयता ‘मेरो सुरक्षित गाउँ’ कार्यक्रम संचालन कैसेकल बा ।