बजाज माइलेज प्रतियोगिता हुइना

पहुरा समाचारदाता
धनगढी,२४ भदौ । हंसराज हुलासचन्द एण्ड कम्पनी प्रालि ओ यी क्षेत्र अधिकारिक डिलर दिनेश आटोमोटिभ्स प्रालि धनगढीके संयूक्त आयोजनामे अँटवारके रोज बजाज माइलेज प्रतियोगिता हुइना बा ।

माइलेज डेना मोटरसाइकल कहल १०० सिसिके प्लाटिना हो कना उद्देश्यसे बजाज माइलेज प्रतियोगिता करे लागल शुकके रोज धनगढीमे आयोजित पत्रकार सम्मेलनमे जानकारी डेहल बा । देशमे पेट्रोलियम पदार्थके मुल्य बह्रटी जाईबेर मोटरसाइकल प्रयोगकर्ता सेवासंगे बचत कैना भारी बाट रहल दिनेश अटोमोटिभ्सके कार्यकारी निर्देशक श्याम हमाल बटैलै ।
उहाँ कहलै, यूवा पिढी भारी सिसिके मोटरसाइकल चिहुरना मन परैलेसेफे शिक्षक लेवलके मनैनके भर पेट्रोल बचत करेक लाग प्लाटिना १०० सिसि मोटरसाइकल रोजाई ढेर डेखल बा ।’

भारतमे सक्कु लेवलमे मनै कम सिसिके मोटरसाइकल चिहुरल ओरसे नेपालमे वहाँक सिको कैना जरुरी रहल कार्यकारी निर्देशक हमाल बटैलै । दैनिक ५० रुप्याके पेट्रोल बचाई सेक्लेसे महिनामे १५ सय बचत हुइनाफे उहाँ बटैलै ।
बजाज कम्पनीके ढेर मोटरसाइकल रहलेसेफे और मोटरसाइकलके तुल्नामे प्लाटिना मोटरसाइकलके माइलेज ढेर रहल कारण यकर प्रयोगकर्ता पेटोलियम पदार्थ खपत कम कैना ढेर उपयोगी रहल गोल्छा ग्रुपके एरिया सेल्स म्यानेजर कपिलदेव बोगटी बटैलै ।

किसान, कर्मचारी, शिक्षक लगायतहे उपयूक्त हुइना उ मोटरसाइकलके माइलेज प्रतियोगिता यिहे अँटवार सकारे १० बजे प्रदेश प्रहरी कार्यालय धनगढीके खेलमैदानमे हुइना उहाँ जनैलै । बजाज माइलेज प्रतियोगितामे पहिल, दुसरा ओ टिसरा हुइलहे उचित पुरस्कारके व्यवस्था कैना बा, कलेसे प्रतियोगितामे सहभागिहे टि सर्टके व्यवस्था कैना जनागिल बा ।