सुदूरपश्चिममे दुई राज्यमन्त्री नियुक्त

पहुरा समाचारदाता
धनगढी, ३१ भदौ । कार्यकाल ओरैना बेलामे सुदूरपश्चिम प्रदेश सरकारके मुख्यमन्त्री त्रिलोचन भट्ट २ राज्यमन्त्री नियुक्त करले बाटै ।

उहाँ आर्थिक मामिला राज्यमन्त्रीमे नेकपा एकीकृत समाजवादीके बलबहादुर सोडारी ओ भौतिक पूर्वाधार विकास राज्यमन्क्री सुशीला बुढाथोकीहे नियुक्त करल हुइट । उहाँ डुनु जनहनहे मुख्यमन्त्री भट्ट पद तथा गोपनियताके सपथ फेन लेहुवाइले बाटै ।

इहीसे आघे आर्थिक मामिला राज्यमन्त्री रहल अम्मर साउदहे फिर्ता बोलाके एकीकृत समाजवादी उहाँके सट्टामे सोडारीहे पठाइल हो । भौतिक पूर्वाधार विकास राज्यमन्त्रीके पद् भर रिक्त रहल रहे ।