पैरवी योजना निर्माण कार्यशाला
पहुरा समाचारदाता
हसुलिया, १ कुवाँर । ओरेक नेपालसे कैलारी गाउँपालिकाके हसुलियामे दुई दिने पैरवी योजना निर्माण तथा पुनःनिर्माणके लाग दुई दिने कार्यशाला कैले बा ।
कैलारी गाउँपालिकाके ९ वडाके महिला मानवअधिकार रक्षक सन्जालके समुहसे सहभागितामे महिलाहुकनके क्षमता अभिवृद्धिके लाग तालिमके आयोजना कैगिल रहे । समापन कार्यक्रमके वडका पहुना कैलारी गाउँपालिकाके अध्यक्ष राजसमज चौधरी लैङिक हिंसा न्यूनिकरणके लाग महिलाहुकनहे क्षमता अभिवृद्धि कैना जरुरी रहल बटैलै । उहाँ कहलै, कैलारी गाउँपालिका महिला तथा बालबालिकाके क्षेत्रमे योजना बनाके काम कैना सोचमे बा । स्थानीय तह लग्गेक सरकार हुइल ओरसे हिंसामे परलहुकनके अभिभावकके जिम्मेवारी अपने लेना अध्यक्ष चौधरी बटैलै । उहाँ यी संस्थाहे समन्वय ओ सहकार्य करके जैना आग्रहफे करलै ।
ओरेक नेपालके कार्यक्रम अधिकृत गीता चौधरी महिलाके सवाल पत्ता लगाइक लाग दुई दिनमे छलफल हुइल बटैली । पाठेघर खस्ना कैलारीके महिलाके मुख्य समस्या रहल उहाँ जनैली । हरेक ठाउँमे महिलाके अर्थपूर्ण सहभागी नइरहल कना छलफलसे आइल उहाँ बटैली । उहाँ पैरवी योजना तयार हुइलफे बटैली ।
कार्यक्रममे सहभागिता मन्से महिला मानवअधिकार रक्षक सञ्जाल कैलारीके अध्यक्ष गीता चौधरी लैगिङक लैगिङकता कना बाट बुझल बटैली । उहाँ लैगिङक हिंसा न्यूनिकरणमे भारी भुमिका रहल बटैली । गाउँघर पाठेघर खस्ना समस्या रहल ढेर डिडीबहिनीया रहल मने नुकल अवस्था रहल बटैली । दुई दिनसम चलल तालिममे ओरेक नेपालके कार्यक्रम अधिकृत गीता चौधरी, विष्णु रेग्मी प्रशिक्षण डेहल रहिट ।
