कैलाली प्रहरी प्रवक्ता जोशी नेपाल प्रताप सुभूषण पदकसे विभूषित हुइना

पहुरा समाचारदाता
धनगढी,३ कुवाँर । जिल्ला प्रहरी कार्यालय कैलालीके प्रहरी नायब उपरीक्षक वेदप्रकाश जोशीहे नेपाल प्रताप सुभूषण पदकसे विभूषित हुइना हुइल बटै ।

संविधान दिवसके उपलक्ष्यमे राष्ट्रपति विद्यादेवी भण्डारीसे सोम्मार टमान मानपदवी, अलंकार ओ पदकसे विभूषित कैना घोषणा अनुसार जोशीहे नेपाल प्रताप सुभूषण पदकसे विभूषित हुइना बटै ।

उहाँहे नेपाल प्रताप सुभूषण पदकमे सिफारिस करल बा । राष्ट्रपति विद्यादेवी भण्डारी उ पदक प्रदान कैना हुइल बटी । जोशी जिल्ला प्रहरी कार्यालय कैलालीमे प्रवक्ता तथा प्रहरी नायव उपरीक्षकके रुपमे जिम्मेवारी सम्हरटी रहल बटैलै ।