टिकट नैपाइलपाछे एमाले नेता यज्ञराज बास्तोला डेलै राजीनामा

पहुरा समाचारदाता
धनगढी, २४ कुँवार । नेकपा (एमाले) के सुदूरपश्चिम सचिवालय सदस्य यज्ञराज बास्तोला एमालेके साधारण सदस्यसमेत नैरहना मेरके अपने सक्कु जिम्मेवारीसे राजीनामा डेहल घोषणा करले बाटै ।

प्रदेश सभा सदस्यमे टिकट नैपाइलपाछे उहाँ अपने एमालेके साधारण सदस्यसमेत नैरहना मेरके सक्कु जिम्मेवारीसे राजीनामा डेहल घोषणा करले बाटै ।

कैलाली क्षेत्र नम्बर ५ के (क) मे आपनहे प्रदेश सभा सदस्यके उम्मेदवारके लाग निर्णय करसेकल अवस्थामे पार्टीका जिल्ला इन्चार्ज नारदमुनि रानाके ढिपी ओ जिद्दीके कारण कम्युनिष्ट पार्टीहे जातिय पार्टी बनैना कार्य हुइल ओ पार्टीसे आपनहे डेहल टिकट खोस्न कार्य हुइल बास्तोला आरोप लगैले बाटै । उहाँ राजीनामापत्रमे नारदमुनि राना जैसिन व्यक्तिके नेतृत्वमे बैठके काम करेबर पार्टी ओ समाजके भलो नैहुइना उल्लेख करले बाटै ।

पार्टी नेतृत्व फेन आपन निर्णयमे दरो उठके न्याय नैकरल ओरसे ओइसीन नेतृत्वसे भविष्यमे फेन न्याय नैहुइना कहटी भन्डाफोर कैना आग्रहसहित उहाँ सक्कु जिम्मेमवारीसहित साधारण सदस्यसमेमत नैरहना मेरके राजीनामा डेहल उल्लेख करले बाटै । बास्तोला अपने २०३५ सालसे कम्युनिष्ट आन्दोलनमे लागल पत्रमे उल्लेख करले बाटै ।

नेकपा एमालेसे क्षेत्र नम्बर ५ (क) मे डुसरचो नेपालु चौधरीहे प्रदेश सभा सदस्यके उम्मेदवार बनैले बा ।