जनज्योति सोनियाँ सामुदायिक वनके नवौं बार्षिक साधारण सभा

पहुरा समाचारदाता
पहलमानपुर, २६ कुवाँर । कैलालीके भजनी नगरपालिका–९ डोङगपुरमे रहल जनज्योति सोनियाँ सामुदायिक वन उपभोक्ता समुहके नवौ बार्षिक साधारणसभा तथा सार्वजनिक सुनुवाई कार्यक्रम बुधके रोज निम्जल बा ।

सव डिभिजन वन कार्यालयके जमदार कालीराम चौधरीके वडका पहुना ओ बसन्ता कोरिडोरके सदस्य जालीराम चौधरीके विशिष्ट पहुना कार्यक्रम हुइल रहे ।

उ सामुदायिक वनके अध्यक्ष सुरेश चौधरीके अध्यक्षतामे हुइल कार्यक्रममे कोषाध्यक्ष रामकुमार चौधरी आर्थिक वर्ष २०७८÷०७९ सालके २५ लाख ४९ हजार ९ सय ६३ रुप्या बराबरके आयव्यय प्रस्तुत करले रहिट ।

कार्यक्रममे भजनी–९ के पूर्व वडा अध्यक्ष श्रीकृष्ण चौधरी, घोडताल सामुदायिक वनके अध्यक्ष रामप्रसाद चौधरी, ओम शान्ति सामुदायिक वनके कार्यालय सचिव हेमराज चौधरी, संचारकर्मी जीवन चौधरी, डोङगपुर गाउँक भल्मन्सा लगायतसे शुभकामना मन्तव्य व्यक्त करले रहिट । कार्यक्रमके संचालन उ सामुदायिक वनके सचिव विरबहादुर चौधरी ओ स्वागत मन्तव्य सदस्य कविता रावल व्यक्त करले रहिट ।