टीभीएस खरिदमे महत पैलै ‘फुल क्यास ब्याक’

पहुरा समाचारदाता
धनगढी, २७ कुवाँर । डोटीके एक जाने व्यक्ति धनगढीस्थित बागेश्वरी अटोमोटिभ्स (टीभीएस) शोरुमसे मोटरसाइकल खरिद करेबेर फुल क्यास ब्याक पैले बटै ।

डोटीके केआईसिंह गाउँपालिका– ७ का जितबहादुर महत टीभीएस कम्पनीके अपाची आरटीआर १६० सीसी मोटरसाइकल खरिद करेबेर ‘लक्की ड्र’ मे मोटरसाइकलके कूल रकम रु ३ लाख ३ हजार ९ सय फुल क्यास ब्याक पाइल हुइट ।
कम्पनीसे चाड पर्वके अवसरमे नानल ‘कायापलट योजना’ अन्तर्गत महतसे खरिद करल मोटरसाइकल लक्की ड्रमा पर्ना सफल हुइल बागेश्वरी अटोमोटिभ्सके संचालक प्रेम साउँद जानकारी डेलै ।

विफेक रोज एक कार्यक्रमके बीच शोरुमसे विजेता महतहे फुल क्यास ब्याक पाइलमे खरिद रकम बराबरके चेक हस्तान्तरण करले बा । चेक हस्तान्तरणपाछे बागेश्वरी अटोमोटिभ्ससे विजेता महतसहित धनगढी चौराहसे मोतीचोकसम मोटरसाइकल ¥यालीसमेत निकरले बा ।

संचालक साउँद हरेक वर्ष धनगढीसे टीभीएसके ग्राहकहे कौनो ना कौनो उपहार परटी आइल जानकारी डेलै । टीभीएससे डशिया ओ डेवारीसम टमान अफर धारल अटोमोटिभ्सके सञ्चालक साउँद बटैलै ।