हार्डवेयर व्यवसायी संघसे शुभकामना आदानप्रदान

पहुरा समाचारदाता
धनगढी, २९ कुँवार । कैलाली हार्डवेयर व्यवसायी संघके आयोजनामे शनिच्चरके रोज शुभकामना आदानप्रदान कार्यक्रम हुइल बा । शुभ दिपावली, छठपर्व तथा नेपाल संवत् ११४३ के पावन अवसरमे शुभकामना आदानप्रदान कार्यक्रम हुइल हो ।

कार्यक्रमके सर्वेत्तम पेन्ट प्रालि अत्तरियाके प्रबन्धक लक्ष्मीदत्त पाण्डे उद्घाटन करले रहैं । कार्यक्रम कैलाली हार्डवेयर व्यवसायी संघके अध्यक्ष कुबेर शाहीके अध्यक्षतामे हुइल रहे ।

कार्यक्रममे कैलाली उद्योग वाणिज्य संघके महासचिव ओम विष्ट, लम्कीचुहा उद्योग वाणिज्य संघके अध्यक्ष पदमराज चौलगाई, संघके कानूनी सल्लाहकार प्रयागराज भट्ट, नाटाके अध्यक्ष पदमविक्रम सिंह, संघके सल्लाहकार कल्याणसिंह बोहरा, होटल व्यवसायी संघ कैलालीके अध्यक्ष कमल बम, वृज पोखरेल, मुकेश गुप्तालगायत शुभकामना मन्तव्य व्यक्त करले रहैं ।

कार्यक्रममे वरिष्ठ उपाध्यक्ष रञ्जनकुमार शर्मा स्वागत करल रहैं । उ अवसरमे टमान सांगीतिक कार्यक्रम फेन हुइल रहे ।