पालिकास्तरीय परियोजना परिचयात्मक कार्यक्रम

पहुरा समाचारदाता
मसुरिया, ३१ कुवाँर । कैलालीके गौरीगंगा नगरपालिकामे पोषण तथा उत्थानशील जिविकोपार्जन परियोजनाके पालिकास्तरीय परियोजना परिचयात्मक कार्यक्रम हुइल बा ।

दिगो विकास समाज भजनी, बाल कल्याण संघ टीकापुर ओ वल्र्ड भिजन इन्टरनेशनल नेपाल, कैलालीके सयूक्त आयोजनामे कैगिल पालिका स्तरीय परियोजना परिचयात्मक कार्यक्रमके वडका पहुना गौरीगंगा नगरपालिकाके नगर प्रमुख देवीदत्त कडेल ओ विशिष्ट पहुना नगर उपप्रमुख भोजबहादुर बम रहल रहिट ।

पालिकास्तरीय परियोजना परिचात्मक कार्यक्रममे गैल बरषके समीक्षा ओ अईना बरष सन २०२३ के लावा कार्यक्रमके सार्वजनिक कैगिल बा । कार्यक्रम गौरीगंगा नगरपालिकाके वडा नं. १० ओ ११ मे संचालन हुईटी रहल बा ।

दिगो विकास समाजसे पोषण तथा उत्थानशील जीविकोपार्जन परियोजना, आर्थिक पुनस्र्थापना परियोजना ओ बालकल्याण संघसे बाल स्पोन्सरसिप परियोजना मार्फत टमान गतिविधि संचालन कैटी रहल बा ।

कार्यक्रमके सहजीकरण बालकल्याण संघसे मिठु हुड्के ओ दिगो विकाससे दिगो विकास समाजके परियोजना अधिकृत प्रभुनाथ ढकाल कर्ले रहित ।

गौरीगंगाके दुई वडामे पोषण, उत्थान ओ जिविकोपार्जन परियोजनाके बारेमे साझेदार संस्थाके कर्मचारी तथा समुदाय सहजकर्ताहुकनके क्षमता विकास तालिम डेना बा । साझेदार संस्थाके कर्मचारी ओ समुदायके लाग सिकाई आदान प्रदान, जीविकोपार्जन पुनःस्र्थानाके लाग कृषि तथा वस्तुभाउ उत्पादन तालिम तथा समाग्री सहयोग, प्रविधि, सीप तथा सिकाईके लाग प्रदर्शनी स्थल स्थापना, गुणस्तरीय उत्पादन वृद्धिके लाग गुणस्तरीय सामाग्री सहयोग (सीप, उपकरणमे महिलाके कामके भार कम कैना कार्यक्रम रहल जनागिल बा ।

उत्पादन वृद्धि करेक लाग, गुणस्तर बढैना, महिलाके काम भार कम करेक लाग बजारमुखी स्मार्ट सामाग्री सहयोग कैना, पोषण बगौचा स्थापनाके लाग प्रोत्साहन सहयोग (गर्भवती महिला, दुध खवैना महिला तथा कुपोषण रहल परिवार), दिगो जीविकोपार्जन कैना मानसिक रूपान्तरणके लाग धार्मिक अगुवासे सशक्तिकरण कैना कहल बा ।

सहभागीतामुलक ओ लैंगिक संवेदनशिलता, बजार सर्वेक्षण, मुल्य श्रृंखलाके स्थिति विश्लेषण मुल्य श्रृंखला सर्वेक्षणके लाग स्थानीय सरकार ओ समुदायसंग अन्तरक्रिया बैठक कैना, महिलाहुकनके नेतृत्वमे उत्पादन समुह गठन तथा पुन गठन, शंकटामुख, भुमिहीन, कोभिडमे परल परिवारके व्यवसाय स्थापनाके लाग व्यवसायीक तालिम तथा नगद भौचर मार्फत व्यावसाय सामाग्री सहयोग कैना जनाइल बा ।

बजार साक्षरता कक्षा संचालन कैना सहजकर्ताहे स्रोत सामाग्री सहयोग, बजार साक्षरता कक्षा संचालनके लाग उपयूक्त समुह छनौट, बसाई व्यावस्थापन, स्थानीय पढाई सामाग्री विकास तथा सामाग्री सहयोग, बजार साक्षरता कक्षा संचालन कैना सहजकर्ताहुकनहे स्रोत सामाग्री विकास तथा सहजीकरण तालिम संचालन कैना बा ।

छनोट करल समुहमे ९ महिने बजार साक्षरता कक्षा संचालन, उत्पादकके बजार सहजीकरणके लाग स्थानीय बजार सहजकर्ता छनोट तथा परिचालन, स्थानीय बजार सहजकर्ताके ५ ठो मुख्य सीप ववस्थापन सम्बन्धी क्षमता विकास तथा समुहके ५ ठो सीप सर्वेक्षण कैना बा । सीडिएमसीएस, एलडीसीएमसिएसके गठन तथा सवलीकरणके लाग सामाग्री सहयोग दिगो विकास समाज जनैले बा ।

जल जंगल ओ जमिन स्रोतके संरक्षणके लाग संरक्षण योजना निर्माण तथा सहयोग, जलवायू अनुकुलन स्मार्ट कृषि तालिम तथा समाग्री सहयोग, ६ से १० कक्षाके विद्यार्थीहुकनहे घरयासी तहमे आम्दानी तथा ओ खर्चके वारेमे अभिमुखीकरण कैजैना बा ।

ओस्टेक करके अपांगता, अति संकटामुख ओ छोट व्यावसायिक परिवारके वित्तीय पहँुचके लाग सहकारी क्षमता विकास तालिम ओ सामाग्री सहयोग कैना कहल बा ।

दिगो विकास समाजके अध्यक्ष रामबहादुर सुनार के अध्यक्षतामे हुईल कार्यक्रममे प्रमुख प्रशासकीय अधिकृत हरिदत्त भट्ट, वडा नम्बर १० के वडा अध्यक्ष नरसिंह सार्की,कानून शाखा एवं गैर सरकारी संस्था फोकल पर्सन जयन्द्र ठकुल्ला, महिला तथा बालबालिका शाखा, कृषि विकास, पशु विकास शाखा प्रमुख, दिगो विकास समाजके फिल्ड सहजकर्ता रमला चौधरी, सुरज चौधरी, गोविन्द जोशीलगायत दुई वडाके स्थानीय, टमान समुद सहककारीके प्रतिनिधिहुकनके सहभागिता रहे । कार्यक्रम संचालन दिगो विकास समाज भजनीके फिल्ड सहजकर्ता मुकेश चौधरी ओ स्वागत मन्तव्य बाल कल्याण संघके सामाजिक सहजकर्ता प्रेम चौधरी कर्ले रहिट ।