बाढ प्रभावित ओ विपन्न परिवारहे खाद्यन्न सहगोग हस्तान्तरण
पहुरा समाचारदाता
हसुलिया, ६ कार्तिक । कैलारी गाउँपालिकाके टमान वडाके बाढ प्रभावित ओ विपन्न परिवारहे खाद्यन्न सहयोग हस्तान्तरण कैगिल बा ।
कैलारी गाउँपालिकाके समन्वय तथा केयर नेपालके सहयोगमे निडस नेपालसे बाढ प्रभावित ओ विपन्न ५० घरधुरीहे ४ हजार १९० रुप्या बराबरके खाद्यन्न सहयोग हस्तान्तरण कैगिल हो ।
कैलारी गाउँपालिकाके उपाध्यक्ष भवगतीकुमारी चौधरीके वडका पहुनामे वडा नम्बर १, ३, ४, ५ ओ ७ के बाढ प्रभावित तथा आर्थिक अवस्था कम्जोरहुकनहे खाद्यन्न सहयोग हस्तान्तरण करल निडस नेपालके विपद सम्पर्क व्यक्ति विनोदसिंह कडारा जनैलै । आपतकालिन बाढी प्रतिकार्य परियोजना मार्फत बाढ प्रभावितहुकनहे खाद्यन्न वितरण कैगिल हो । बाढ प्रभावित ओ विपन्न परिवारहुकनहे मसिना चाउर, मिक्स दाल, नोन, तेल, चिनी, चिउरा, पिठा, सर्वोतम पिठा हस्तान्तरण कैगिल उहाँ बटैलै ।
बाढ प्रभावित ओ विपन्न परिवारहुकन खाद्यन्न सहयोग हस्तान्तरण गाउँपालिका उपाध्यक्ष भगवतीकुमारी चौधरी, वडा नम्बर १ के वडा अध्यक्ष धोजहरिपाल बोहरालगातसे कैगिल रहे ।
