ओलीके गलत कदमके कारण प्रधानमन्त्री बन्नुः देउवा
पहुरा समाचारदाता
धनगढी, १७ कार्तिक । नेपाली काँग्रेसके सभापति तथा प्रधानमन्त्री शेरबहादुर देउवा तत्कालीन प्रधानमन्त्री एवं नेकपा एमालेके अध्यक्ष केपी शर्मा ओली राष्ट्रपति विद्यादेवी भण्डारीहे राष्ट्रहित विपरित कार्य करे लगाइल आरोप लगैले बटै ।
विफेक रोज गृह जिल्ला डडेल्धुरा पुगल देउवा आयोजित चुनावी सभाहे सम्बोधन करटी रात २ बजेके समयमे राष्ट्रपति विद्यादेवी भण्डारीहे संसद भंग करे लगाइल आरोप लगाइल हुइट ।
‘ओलीजी रात २ बजे राष्ट्रपतिहे उठाके ससद भंग करलै । ओकरपाछे मै प्रधानमन्त्री हुइल हुँ । यी बार मोर प्रधानमन्त्री बन्न मन टे नइरहे मने ओलीजीके गलत कदमके कारण हुइल हुँ’, उहाँ आघे थप्लै, ‘उत्तम संविधान बनैलेसेफे ओलीसे चिठे खोज्लै । राजनीतिमे स्थायी शत्रु ओ मित्र नइहुई ।’
ओलीके कार्य विरुद्धमे हालके ५ दलीय गठबन्धन बनल प्रम देउवाके कहाई रहे । उहाँ हालके ५ दलीय गठबन्धन राष्ट्रहितके लाग हुइल बटैटी अपन १०/१५ वर्षसमफे चलैना इच्छा रहल बटैलै ।
प्रधानमन्त्री देउवा भारत ओ चीन विरुद्ध लरे सेक्ना बटैटी उ देशसंग नेपालसे हतोमालो करके आघे बह्रे पर्ना बाध्यता रहलफे सुनैलै । यिहेविच प्रम देउवा पश्चिम सेती जल विद्युत परियोजनाके काम आघे बह्रल बटैलै । साथे उहाँ धनगढी–डडेल्धुरा सडकहे ४ लेनके रुपमे विस्तार कैना ओ डडेल्धुरा मेडिकल कलेज निर्माणहे आघे बढैनाफे प्रतिवद्धता जाहेर करलै ।
