महिला उद्यमी संजाल गठन
पहुरा समाचारदाता
धनगढी, २२ कार्तिक । कैलालीके गौरीगंगा ओ घोडाघोडी नगरपालिकामे महिला उद्यमी संजाल निर्माण तथा अन्तरक्रिया कार्यक्रम हुइल बा ।
वल्र्ड भिजनके आर्थिक सहयोगमे दिगो विकास समाज भजनीके आयोजनामे ‘महिला तथा आप्रवासीहरु आर्थिक पुनस्थापना परियोजना’ अन्र्तगत गौरीगंगा ओ घोडाघोडी नगरपालिकामे महिला उद्यमी संजाल निर्माण ओ अन्तरक्रिया कार्यक्रम हुइल हो ।
घोडाघोडी नगरपालिकामे नगर उपप्रमुख गुलियादेवी चौधरीके अध्यक्षतामे एक कार्यक्रमसे ज्ञानुदेवी चौधरीके अध्यक्षतामे २२ सदस्यीय महिला उद्यमी संजाल गठन कैगिल बा । संजालके उपाध्यक्षमे विष्णु गौतम, सचिवमे कलावती धामी, सहसचिवमे हेमन्ती चौधरी ओ कोषाध्यक्षमे मन्जु चौधरी रहल बटै । सदस्यमे रैनी चौधरी, शारदा चौधरी, गरिमा चौधरी, पनिता कठरिया, रामकृष्णी चौधरी ओ बालकुमारी चौधरी रहल बटै ।
ओस्टेक करके गौरीगंगा नगरपालिकामे नगर उपप्रमुख भोजबहादुर बमके अध्यक्षतामे हुइल कार्यक्रममे कल्पना शाहके अध्यक्षतामे २२ सदस्यीय महिला उद्यमी संजाल गठन कैगिल बा । जौन संजालके उपाध्यक्षमे रेखा धामी जाग्री, सचिवमे आशा कुमारी, सहसचिवमे मेनुका चौधरी, कोषाध्यक्षमे गौरी बुढा रहल बटै ।
ओस्टे यिहीसे आघे कैलारी गाउँपालिकामे चम्फा बोहराके अध्यक्षतामे महिला उद्यमी संजाल हुइल बा । कार्यक्रममे दिगो विकास समाज भजनीके फिल्ड सहजकर्ता रमला चौधरी सहजीकरण करल रहिट ।
