कैलाली जिल्लासँग सीमा जोरल नाका तीन दिन बन्द रहना
पहुरा समाचारदाता
धनगढी, २९ कात्तिक । कैलाली जिल्लाँग सीमा जोरल नाका तीन दिन बन्द हुइना हुइल बा ।
इहे अगहन ४ गते हुइना प्रतिनिधी सभा ओ प्रदेश सभा सदस्य निर्वाचनके लाग कैलाली जिल्लाँग जोरल नाका इहे अगहन १ गते बिफेक रातसे १२ बजेसे अगहन ४ गते अँट्वार रात १२ बजेसम बन्द रहना जिल्ला प्रशासन कार्यालय कैलाली जनैले बा ।
निर्वाचनहे स्वच्छ, पारदर्शी, स्वतन्त्र, मर्यादित, निष्पक्ष ओ भयरहित वातावरणमे सम्पन्नके लाग सीमानाका बन्द रहना प्रशासकीय अधिकृत शिवराज जोशी जानकारी डेलै ।
उहोर निर्वाचनमे कञ्चनपुरके गड्डाचौकी सीमानाका फेन तीन दिन बन्द हुइना हुइल बा । आसन्न प्रतिनिधि तथा प्रदेश सभा सदस्य निर्वाचनके लाग गड्डाचौकी सीमानाका तीन दिन बन्द हुइना हुइल हो ।
इहे अगहन १ गते रात १२ बजेसे ४ गते रात १२ बजेसम सीमानाका बन्द हुइना हुइल हो । जिल्ला प्रशासन कार्यालय कञ्चनपुरसे एक सूचना जारी कैटी निर्वाचनहे स्वच्छ, निष्पक्ष ओ भयरहित वातावरणमे सम्पन्न करक लाग सीमानाका बन्द करल जनाइल बा ।
