नास्ट कलेजहे विश्वविद्यालय अनुदान आयोगसे क्यूएए प्रमाणपत्र

पहुरा समाचारदाता
धनगढी, ३० कात्तिक । पोखरा विश्वविद्यालयसे सम्बन्धन प्राप्त धनगढीके नास्ट कलेज विश्वविद्यालय अनुदान आयोगसे क्यूएए प्रमाणपत्र प्राप्त करले बा ।

पोखरा विश्वविद्यालयसे सम्बन्धन प्राप्त शैक्षिक संस्थामध्ये प्रथम शैक्षिक संस्थाके रुपमे नास्ट आयोगकागुणस्तर सुनिश्चितता तथा प्रत्यायन प्रमाणपत्र प्राप्त करल हो ।

आयोगसे नेपालके उच्च शैक्षिक संस्थामे गुणस्तर कायम ओ सुधार प्रक्रिया कराके गुणस्तरके प्रमाणपत्र प्रदान कैना सहजीकरण कैटी आइल बा ।

विश्वविद्यालय अनुदान आयोगके उच्च शिक्षासम्बन्धी गुणस्तरके मापदण्ड पूरा कैके उच्चशिक्षा प्रदान कैना सरकारी, सार्वजनिक वा निजी विश्वविद्यालय, क्याम्पसहे अनुदान आयोगसे क्यूएए प्रदान कैटी आइल बा ।