कैलाली ५ के प्रदेशसभा २ मे प्रकाश देउवा विजयी

पहुरा समाचारदाता
धनगढी, ९ अगहन । कैलाली निर्वाचन क्षेत्र नम्बर ५ के प्रदेशसभा (२) मे नेपाली काँग्रेसके उम्मेदवार प्रकाशबहादुर देउवा विजयी हुइल बाटै ।

देउवा ९ हजार ५९१ मत प्राप्त करले बाटै । ओहकान निकटतम प्रतिस्पर्धी नेकपा एमालेके दुर्गाप्रसाद जोशी छ हजार ३५१ मत प्राप्त करले बाटै ।

ओस्टके नागरिक उन्मुक्ति पार्टीके गोठु चौधरी चार हजार ३५८ मत प्राप्त करलै । राष्ट्रिय प्रजातन्त्र पार्टीके शिवराज भण्डारी तीन हजार ४२२ ओ काँग्रेससे बागी उम्मेदवारी डेहल क्षितिज भण्डारी तीन हजार १८२ मत प्राप्त करले बाटै ।