ट्याक्टर दुर्घटनामे एकके मृत्यु

दार्चुला, १० अगहन । दार्चुलामे ट्याक्टर पलटके कैलालीके एक पुरुषके मृत्यु हुइल बा ।

दार्चुलाके नौगाड गाउँपालिका ३ के सडकमे सुपप्र ०१ ००२ त ५३१४ नम्बरके ट्याक्टर पलटके कैलालीके एक मजदुरके मृत्यु हुइल हो । ढुङ्गा अनलोड कैना क्रममे पलटके कैलाली गोदावरी नगरपालिका २ के ५० वर्षीय पल्टुराम चौधरीके घटनास्थलमे मृत्यु हुइल प्रहरी जनैले बा ।

बिफेक रोज दुर्घटना हुइबर सडकके टरे जाली भर्ना काम हुइटी रहल रहे । ट्याक्टरसे थिचके गम्भीर घाहिल हुइल उहे नगपरपालिका ४ बैठुइया ४५ वर्षीय कालुराम चौधरीके गोकुलेश्वर अस्पतालमे उपचार हुइटी रहल बा ।