विद्यालयके ३ कोठे भवन शिलान्यस
पहुरा समाचारदाता
पहलमानपुर, १३ अगहन । अमर शहिद स्मृती आधरभुत विद्यालयके भवन शिलान्यस करल बा ।
जिल्लाके घोडाघोडी नगरपालिका वडा नं. १० लठैयामे रहल अमर शहिद स्मृती आधरभुत विद्यालयके भवन शिलान्यस करल विद्यालयके प्रधानध्यापक खुशीराम चौधरी बटैलै ।
मंगरके रोज एक कार्यक्रमके विच घोडाघोडी नगरपालिका वडा नं. १० के वडा अध्यक्ष विजयराज स्वाँर ३ कोठे भवनके शिलान्यास करल रहिट । विल्डन नेपाल ओ घोडाघोडी नगरपालिकाके आर्थिक तथा प्राविधिक सहयोगमे उ भवन निर्माण करे लागल बा ।
भवन शिलान्यास कार्यक्रम अमर शहिद स्मृती आधरभुत विद्यालयकाके विद्यालय व्यवस्थापन समितिके अध्यक्ष पूर्णबहादुर बडुवालके सभापतित्वमे हुइल कार्यक्रममे वडका पहुना १० नं. वडाके अध्यक्ष विजयराज स्वाँर रहिट ।
कलेसे पहुना विल्डन नेपालके जिल्ला सचिव यज्ञराज चौधरी रहिट । भवन शिलान्यास कार्यक्रममे घोडाघोडी शिक्षा समितिके सदस्य रघुनाथ चौधरी लगायत स्थानीय बुद्धिजीवी विद्यालय व्यवस्थापन समितिके सदस्यहुकनके सहभागिता रहे ।
