आठौं खिचरा महोत्सव हुइना

पहुरा समाचारदाता
चितवन, २५ अगहन । चितवनके खैरहनीमे पुस २९ गतेसे आठौं खिचरा महोत्सव हुइना बा ।

थारु कल्याणकारिणी सभासे आयोजित आठौं खिचरा महोत्सवके शनिच्चर पत्रकार सम्मेलन मार्फत जानकारी कराइल हो । महोत्सव मूल आयोजक समितिके संयोजक कृष्णलाल चौधरी विविध भाषा धर्म संस्कृतिके संरक्षण एवं पर्यटन प्रबर्द्धनके उद्देश्यसे खिचरा महोत्सव करे लागल बटैलै । संयोजक महतोके अनुसार महोत्सव सम्पन्न करेक लाग १५१ सदस्यीय मुल आयोजक समिति गठन करल बा । उहाँ ३३ ठो उपसमिति बनाके महोत्सवके तयारी करल जानकारी डेलै ।

उहाँ हालसम राज्यके कौनोफे निकायसे कौनोफे सहयोग नइहुइल गुनासो समेत करलै । हालसम फाइदा नइहुइल बटैटी उहाँ महोत्सवहे जारी रख्न प्रमुख उद्देश्य रहल जिकिर करलै ।

महोत्सवमे थारु लगायत टमान जातजातिके परम्परागत भेषाभुषासहित सांस्कृतिक प्रस्तुती, स्थानीय तथा राष्ट्रिय कलाकारके प्रस्तुति, थारु समुदायके विशेष परिकार, थारु संग्रहालय तथा अनुसन्धान केन्द्र व्यवस्थापन कैना, होमस्टे संरक्षण ओ प्रवर्द्धन मार्फत आन्तरिक तथा बाह्य पर्यटक भित्रैना महोत्सवसे सहयोग पुग्न उहाँक कहाई बा ।

जनजातिके भेषभूषामे अइना दर्शकहे निःशुल्क प्रवेशके व्यवस्था करल बा कलेसे औरहे प्रवेश शुल्क ५० तोकल बा । विगत दुई वर्ष कोभिडके कारण संचालन हुइ नइपाइल महोत्सव यी वर्ष भर संचालनमे अइटी बा । उ महोत्सव प्रारम्भमे दुई दिनके लाग करल हुइलेसेफे हाल ११ दिनसम संचालन हुइना आयोजक जनैले बा ।

महोत्सव पुस २९ गतेसे सुरु हुके महोत्सव माघ ९ गतेसम संञ्चालन हुइना बताइल बा । वि.सं. २०७० सालसे सुरु हुइल महोत्सव अब्बे थारु समुदायके नयाँ वर्षके अवसरमे मनैटी आइल बा । थारु समुदायके सांस्कृतिक महोत्सवके रुपमे रहल यी हरेक वर्ष आयोजना करटी आइल बा । महोत्सवमे १२० ठो स्टल रहना बा कलेसे रु ५५ लाखके खर्चमे हुई लागल महोत्सवमे ५० हजारसे अवलोकन कैना अनुमान आयोजक करले बा ।