‘अध्यादेशके औचित्य उप्पर धावा बोल्नके कौनो तुक नइहो ।’

पहुरा समाचारदाता
धनगढी, २८ अगहन । संसद निरन्तरताके बखत टीकापुर मुद्दा समाधान ओ यिहे सन्दर्भके बनल उच्चस्तरीय लाल आयोग प्रतिवेदन, देवीराम शर्मा नेतृत्व समितिके प्रतिवेदन सार्वजनिक करके देशमे शान्ति सु–व्यवस्था करे पर्ना विषयमे चुइक्क नइबोल्ना नेता सांसद सरकारसे नानल अध्यादेश औचित्य उप्पर धावा बोल्नके कौनो तुक नइहो । तीन ठो संस्था संगठनसे निकारल संयूक्त विज्ञप्तीमे कहल बा ।

थारु कल्याणकारिण सभा कैलालीके कार्यवाहक सभापति माधव चौधरी, थरुहट÷थारुवन राष्ट्रिय मोर्चा कैलालीके प्रवक्ता चुनीराम चौधरी ओ थारु विद्यार्थी समाज कैलालीके जिल्ला अध्यक्ष आशिष चौधरीसे निकार संयूक्त विज्ञप्तीमार्फत नेपाल सरकारसे नानल अध्यादेश सकारात्मक रहल कहटी स्वागत करले बा ।

नेपाल सरकारसे मुलुकहे शान्ति प्रक्रियामे नानेक लाग चरणवद्ध रुपमे अध्यादेश मार्फत होए या और प्रक्रियासे होए आन्दोलनरत पक्षसे सहभति सम्झौता करटी आइल बा । राजनीतिक दलके शिर्ष नेतृत्व मार्फतफे चरुहट÷थारुवान आन्दोलनके क्रममे हुइल टिकापुर घटना राजनीतिक मुद्दा हो यि मुद्दाहे राजनीतिक तवरसे समाधान कैनाके विकल्प नइहो कहटी जनता माझ वक्तव्य डेहल तीत सत्य सक्कुहुनके आघे छर्लङ बा ।

विज्ञप्तीमे कहल बा, ‘वास्तवमे मुलुकके दिर्घकालिन शान्ति सुव्यवस्था अमनचयन कायम कैना हो कलेसे टिकापुर मुद्दा लगायत और सक्कु आन्दोलनरत पक्षके माग सम्बोधन कैनाके विकल्प नइहो ।’ सरकारसे नानल यी अध्यादेश राष्ट्रप्रमुख राष्ट्रपतिसे सहज ओ सकारात्मक ढंगसे आघे बहै्रटी देशमे शान्ति अमनचयन नन्ना बुद्धिमानी हुई कना विज्ञप्तीसे ठहर करले बा ।

थरुहट थारुवान आन्दोलनके क्रममे २०७२ भदौ ७ गते रहस्यमय दुःखद टिकापुर घटनाके झुठा मुद्दा लगाइल चार नेता तथा कार्यकर्ताहुकनके मुद्दा फिर्ता एवं बन्दीहुकनके अविलम्ब रिहाई करे पर्ना माग करल बा । अध्यादेशके कार्यान्वयन नइहुइलेसे सशक्त आन्दोलन कना बाध्य हुइना कहल बा । यी सन्दर्भमे थारु कल्याणकारिणी सभा केन्द्रीय आन्दोलन परिचालन समितिसे आह्वान करल सांकेतिक आन्दोलनमे कैलालीसेफे पूर्ण समर्थन ओ ऐक्यवद्धता रहल विज्ञप्ति मार्फत जानकारी डेगिल बा ।

सरकारसे नानल अध्यादेशके समर्थन रामजनम चौधरी नेपाली काँग्रेस केन्द्रीय सदस्य, सन्तकुमार चौधरी माओवादी केन्द्र पोलिटव्युरो सदस्य, लक्ष्मण थारु संयोजक, थरुहट÷थारुवान राष्ट्रिय मोर्चा, योगेन्द्र चौधरी नेपाली काँग्रेस केन्द्रीय सदस्य, कल्पना चौधरी, नेपाली काँग्रेस केन्द्रीय सदस्य, डा. गोपाल दहित नेपाली काँग्रेस केन्द्रीय सदस्य, देवीप्रसाद चौधरी लुम्बिनी प्रदेश सांसद, नेपबहादुर चौधरी माओवादी केन्द्र पोलिटव्युरो सदस्य, बिरमान चौधरी माओवादी केन्द्र, केन्द्रीय सदस्य, तेजुलाल चौधरी नेपाली काँग्रेस सांसद करले बटै ।

अध्यादेशके पक्षमे थारु कल्याणकारिण सभा, थरुहट÷थारुवन राष्ट्रिय मोर्चा, थारु विद्यार्थी समाज, थारु महिला समाजलगायत सक्कु थारु संघसस्थासे संकेतिक रुपमे गैल २७ गते रिर्पोटस क्लव, भृकुटी मण्डपमे पत्रकार सम्मेलन, २८ गते थरुहट÷थारुवानके सक्कु जिल्लामे अध्यादेशके पक्षमे शान्तिपूर्ण जनपरिचालन तथा ¥याली, २८ गते दुपहरके १ बजे काठमाण्डौ माइतीघर मण्डलामे अध्यादेश कार्यान्वयनके पक्षमे धर्ना जुलुस डेना कार्यक्रम करले बा ।