जेष्ठ नागरिक ओ फरक क्षमता रहल व्यक्तिनहे कम्मल वितरण
पहुरा समाचारदाता
हसुलिया, २९ अगहन । कैलालीके कैलारी गाउँपालिका वडा नम्बर १ मे जेष्ठ नागरिक ओ फरक क्षमता रहल व्यक्तिनहे गरम कम्मल वितरण कैगिल बा ।
गाउँपालिकाके आर्थिक बर्ष २०७९÷०८० के लक्षित वर्ग कार्यक्रम अन्र्तगत जेष्ठ नागरिक सम्मानके लाग कैलारी गाउँ पालिका वडा नं १ बैठना जेष्ठ नागरिक ओ फरक क्षमता रहल व्यक्तिहुकनहे गरम कम्मल वितरण कैगिल हो ।
कैलारी गाउँपालिका वडा नं १ के वडा अध्यक्ष धोजहरिपाल बोहराके वडका पहुनामे हुइल कार्यक्रममे उहाँ जुरार मौसम सुरु हुइल ओरसे गरम कम्मल वितरण करल बटैलै । उहाँ कहलै, ‘पुस महिना सुरुवाटसंगे जुरार एकचोट्टे बह्रल बा । समयमे जुरारसे बाँचे नइसेक्लसे मुटु रोग, हृदयघात, फोक्सामे समस्या श्वासप्रश्वास, बालबालिका तथा ज्येष्ठ नागरिकमे निमोनिया, रुघाखोकी, जुरी जैसिन रोगके समस्या डेखाई सेकठ ।’
कार्यक्रममे वडका पहुना वडा अध्यक्ष बोहरा, इलाका प्रहरी कार्यालय हसुलियाके प्रहरी बरिष्ठ नायव निरीक्षक रामसिंह बोहरालगायतसे जेष्ठ नागरिक ओ फरक क्षमता रहल व्यक्तिहुकनहे गरम कम्मल हस्तान्तरण करल रहिट । कार्यक्रममे वडा सदस्य, टमान पार्टीके प्रतिनिधिहुकनके सहभागिता रहे ।
